அந்த ஒரு நிமிடம்

அந்த ஒரு நிமிடம்
நீ எனை பார்த்தாய்
என் உயிர் உன் விழி எனும் கிணற்றுக்குள் விழுந்தது
காலடியில் வேர்கள் முளைக்கும் வரை காத்திருந்தேன்
நீ எனை கடந்து செல்லும் அந்த ஒரு நொடிக்காக
நீ என்னுடன் பேசிய அந்த ஒரு நிமிடம்
என் உயிர் உன் வார்த்தைகளில் கரைந்தது
உன் ஸ்பரிசம் எனை தீண்டிய
அந்த ஒரு நிமிடம்
நான் எனை தொலைத்தேன்
நீ என் உயிரின் கதறலை கேட்கவிருக்கும்
அந்த ஒரு நிமிடத்திற்காக காத்திருக்கிறேன்

என் நெருங்கிய நண்பிக்கு by-pass சிகிச்சை

என் நெருங்கிய நண்பி உடல் நலமில்லாமல் மிகவும் அவதிப்பட்டாள் .அவள் தான் என் "கணினி".அவள் குடும்பத்தை எனக்கு 15 வருடங்களாக தெரியும்.windows 3.1 முதல் அவளை எனக்கு தெரியும்.அப்போது 13" கருப்பு வெள்ளை மாநிட்டர்கள்தான் .அப்போதே எனக்கு அவள் மீது காதல். பார்த்துகொண்டே இருப்பேன்.இப்போதும் அவளை பார்த்து கொண்டிருக்கிறேன்.ஆனால் சலிப்பு இல்லை.
சமீபத்தில் அவளுக்கு மிகவும் உடம்பு சரியில்லை.smps பிரச்னை அவளை பாடாய் படுத்தியது .அவள் கதறினாள் .என்னால் அதை பார்க்க முடியவில்லை.எனவே சர்வீஸ் செய்பவரிடம் அவளை நீங்களே எடுத்து சென்று குணப்படுத்தி வாருங்கள் என கூறி விட்டேன்(எப்போதும் நானே சரி செய்து விடுவேன்.இம்முறை மனம் சரியில்லை)இப்போது அவள் நலம்

பெண்களின் அவல நிலை

சுமார் 10 லட்சம் பெண்கள் விபச்சார விடுதிகளில் உள்ளனர்.
இதில் 80% பேர் வற்புறுத்தலாலும் மீதம் உள்ளவர்கள் குடும்ப சூழ்நிலையாலும் இத்தொழிலுக்கு வந்துள்ளனர்.
இந்த குடிகார அப்பன்களால் தான் பெரும்பாலும் பெண்கள் இந்நிலைக்கு தள்ளப்படுகின்றனர்.
மக்களுக்கு விழிப்புணர்வு ஏற்படுத்த வேண்டிய பத்திரிக்கைகளே "செல்போன் அழகிகள் கைதுன்னு "பெண்களின் படத்தை மட்டும் போடுகிறார்கள்.
ஏன் அதில் ஈடுபட்ட ஆண் "த்யாகிகள்" என்ன ஆனார்.அவர்கள படங்களை ஏன் போடுவதில்லை.மேலும் அவர்கள் என்ன புறா மூலமாவா தூது விடுகின்றனர்?அவர்களும் செல்போன் வைத்துள்ளனர் அல்லவே?

மேல் தட்டு மக்களின் "தேசபக்தி"

சமீபத்தில் நடந்த மும்பை சம்பவத்தை கண்டித்து நடந்த மக்களின் இரங்கல் மற்றும் கண்டிப்பு கூட்டத்திற்கு முதல் முறையாக மேல் தட்டு மக்கள் தங்கள் "ஸ்கோடா" காரில் வந்திறங்கினர்.
இவ்வளவு காலம் பங்களாவில் ஒளிந்து கொண்டு அமெரிக்க புராணம் பாடி கொண்டிருந்தவர்கள் திடீரென்று "பாரத் மாத கீ ஜே" என்று கோஷம் போட்டது வியப்பளிக்கிறது.இவர்கள் கடந்த இரண்டு ஆண்டுகளில் பல குண்டு வெடிப்புகள் நடந்த பொது வெளியே வராதவர்கள் இப்போது வந்த காரணம்?ஒன்றுமில்லை.தாக்கப்பட்ட இடம் ஒரு ஐந்து நட்சத்திர ஓட்டல் என்பதாலேயே.இவர்கள் அடிக்கடி அங்கு சென்று வருவர் என்பதாலேயே தங்கள் எதிர்ப்பை காட்டினர்.
இவர்கள் என்றாவது ஓட்டுச்சாவடி பக்கம் வந்ததுண்டா?கேட்டால் நான் ஒருவன் ஒட்டு போடாவிட்டால் என்ன ஆகிவிடும்?என்பர்.
மேலும் மத்திய அரசும் இவ்விஷயத்தில் தீவிரம் காட்ட காரணம் அவர்கள் குடும்பத்தினரும் அந்த ஓட்டல்களுக்கு செல்வோரே.முன்பு ரயிலில் குண்டு வெடித்த பொது வெறும் விசாரணை கமிஷன் என்ற நாடகத்தை அரங்கேற்றினர்.இப்போது ஐந்து நட்சத்திர ஓட்டல் என்பதால் இவ்வளவு தீவிரம்.ஏனென்றால் இவர்கள் குடும்பம் நாளை ஒரு வேலை ஓட்டலில் பலியாகி விட்டால்?